რუსეთის პრეზიდენტის თანაშემწე, იური უშაკოვი: “ისეთი ცნობა მოვიდა, რომ ალიევი არ ჩამოვა, სამწუხაროდ. იმით ახსნეს, რომ …”

ილჰამ ალიევმა 9 მაისს მოსკოვში ვიზიტი გააუქმა. ამის შესახებ ინფორმაციას რუსეთის პრეზიდენტის თანაშემწე, იური უშაკოვი ავრცელებს.

“ისეთი ცნობა მოვიდა, რომ ალიევი არ ჩამოვა, სამწუხაროდ. იმით ახსნეს, რომ შიდა ღონისძიებებში უნდა მიიღოს მონაწილეობა, რომლებიც ჰეიდარ ალიევს ეძღვნება,” – განაცხადა უშაკოვმა.

მოსკოვში ვიზიტი ასევე გააუქმა ლაოსის პრეზიდენტმა, თონგლუნ სისულითმა, რომელიც კორონავირუსით დაავადდა.