სლოვაკეთის პრემიერ-მინისტრი რობერტ ფიცო მოსკოვში გაემგზავრა. ამის შესახებ ინფორმაციას Reuters-ი ავრცელებს.
მედიის ინფორმაციით, მას შემდეგ, რაც ლატვიის, ლიეტუვისა და ესტონეთის ხელისუფლებებმა მოსკოვში გამართულ ღონისძიებებში მონაწილეობის მისაღებად სერბეთისა და სლოვაკეთის ლიდერებისთვის საკუთარი საჰაერო სივრცე დახურეს, მოსალოდნელია, რომ ფიცო, ვუჩიჩის მსგავსად, უცნაური ტრაექტორიით წავა მოსკოვისკენ.
გამოცემის თანახმად, მოსალოდნელია, რომ ფიცოს თვითმფრინავი გადაიფრენს უნგრეთს, რუმინეთს, შავ ზღვას (თურქეთისა და საქართველოს სანაპიროს მახლობლად), სანამ რუსეთის საჰაერო სივრცეში შევა.
