ფაქტია, რომ მსოფლიო პოლიტიკური დღევანდელობა არის შეცვლილი. თუკი ევროკავშირი, ევროკავშირის წევრი ქვეყნების ხელისუფალნი და ევრო ბიუროკრატები ამ მოცემულობას თვალს არ გაუსწორებენ ბუნებრივია, რომ ისეთი პრობლემები შეიძლება შეიქმნას ევროკავშირში, რომლის ჩანასახებიც უკვე ჩანს, რამაც შეიძლება ძალიან მძიმე შედეგები მოუტანოს ამ სახელმწიფოთა გაერთიანებას, – განაცხადა გადაცემაში „დღის ქრონიკა“ საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა.
„ეს მოცემულობა, როგორც უკრაინაში რუსეთის ბრუტალური შეჭრის შემთხვევაში, ასევე შეერთებულ შტატებში ახალი პრეზიდენტის ლაიტმოტივად გადევნებულ წიაღსვლებს ეხება. იმ მოცულობას, რაც ერთი მხრივ ჩინეთის და ინდოეთის მსოფლიო პოლიტიკურ არენაზე ასე მკაფიოდ გამოსვლის ტენდენციებს ახლავს. ყველაფერმა ამან თუკი ევროკავშირი, ევროპის კონტინენტი არ იქნება განმსჭვალული არა რაღაც იმ ახალი ტენდენციების აყოლით, რომ თითქოს უმრავლესობამ მიიღოს გადაწყვეტილებები და არ იყოს კონსენსუსი დაცული, არამედ თუკი არ მოხდება კონტინენტზე არსებული ხალხების და სახელმწიფოების რეალური სურვილების გაგების და მოსმენის წიაღში თუ არ იქნება ევროკავშირის ბიუროკრატია, ეს პრობლემები კიდევ უფრო მეტად გაღვივდება.
ეს გამოცდილება, როგორც ევროკავშირმა მიიღო საქართველოსთან მიმართებაში, ასვე საქართველომაც დაინახა თუ როგორი უსამართლო შეიძლება იყოს ეს ერთი მხრივ პოზიტიური და პროგრესული სახელმწიფოთა გაერთიანება. როგორ შეიძლება ამ პატარა ქვეყნისგან ითხოვდნენ ევროკავშირიდან ისეთი ნაბიჯების გადადგმას და გადაწყვეტილებების მიღებას, რომელიც შეიძლება იყოს დამღუპველი და დამანგრეველი საქართველოსთვის და ეს ყველაფერი ისე იქნეს წარდგენილი, თითქოს საქართველო მსოფლიო პროგრესულ ტენდენციებს ფეხს არ აყოლებს. სიადვილეში ყველაფერი პირიქითაა და ეს ყველაფერი კარგად დაგვანახა უკრაინაში ომის გაგრძელებამ, დონალდ ტრამპის პრეზიდენტად არჩევის შემდგომ არსებულმა ვითარებამ და ა.შ. სიმახვილე გახდა ცნობილი, რომ საქართველო იცავს ამ ღირებულებებს და ევროპის კონტინენტზე მშვიდობის დამყარებაში მცირე, მაგრამ გარკვეულ გავლენას ახდენს“, – აღნიშნა დავით მათიკაშვილმა.