ვიეტნამი და რუსეთი შეთანხმდნენ, რომ ხელს მოაწერენ შეთანხმებას ვიეტნამში ატომური ელექტროსადგურების მშენებლობის შესახებ, – აღნიშნულ ინფორმაციას Reuters-ი ავრცელებს.
„მოწინავე ტექნოლოგიების გამოყენებით სადგურების მშენებლობა განხორციელდება ბირთვული და რადიაციული უსაფრთხოების მოთხოვნების მკაცრი დაცვით და სოციალურ-ეკონომიკური განვითარების გათვალისწინებით“, – აღნიშნულია განცხადებაში.
მანამდე კი, ვიეტნამის მთავრობამ განაცხადა, რომ მოლაპარაკებებს გამართავდნენ უცხოელ პარტნიორებთან, მათ შორის რუსეთთან, იაპონიასთან, სამხრეთ კორეასთან, საფრანგეთთან და შეერთებულ შტატებთან.
განცხადებაში ასევე აღნიშნულია, რომ ვიეტნამი და რუსეთი შეთანხმდნენ ნავთობისა და გაზის ინდუსტრიაში თანამშრომლობის გაძლიერების შესახებ, მათ შორის ვიეტნამისთვის რუსული ნავთობისა და თხევადი ბუნებრივი აირის მიწოდებასთან დაკავშირებით.
როგორც ცნობილია ვიეტნამის ლიდერი ვიზიტით მოსკოვში იმყოფებოდა.
