საგამოძიებო კომისიაზე გამოუცხადებლობის საქმეზე, თავდაცვის ყოფილი მინისტრი, ირაკლი ოქრუაშვილი დააპატიმრეს.
აღნიშნულს სოციალურ ქსელში ჟურნალისტი ნანუკა ჟორჟოლიანი გამოეხმაურა.
„ირაკლი ოქრუაშვილმა თეა წულუკიანის ხუშტურის 20 ათასი ლარი არ გადაიხადა.
გაურკვეველი გირაო, რის გაამოც რამდენიმე წუთის წინ დააკავეს.
როგორც მოქალაქე მადლობას ვუხდი მას სწორი და პრინციპული პოზიციისთვის.
რა ჯარიმა, რა გირაო. რისთვის? რა საგამოძიებო კომისია, რომელიც სანახაობაა მხოლოდ.
თუ ყველა პოლიტიკოსი აჩვენებს იგივე ძალას და ერთ ადგილს, იქნებ საბანი აქეთ გადმოიწიოს“, – წერს ჟორჟოლიანი.
შეგახენებთ, ზემოაღნიშნულ საქმეზე, ოქრუაშვილს 20 000-ლარიანი გირაო ჰქონდა შეფარდებული.
ირაკლი ოქრუაშვილს ბრალდება სისხლის სამართლის კოდექსის 349-ე მუხლით წარედგინა, რაც “საქართველოს პარლამენტის დროებითი საგამოძიებო კომისიის მოთხოვნის შეუსრულებლობას” გულისხმობს. ეს ქმედება ისჯება ჯარიმით, ან თავისუფლების აღკვეთით ვადით ერთ წლამდე, თანამდებობის დაკავების, ან საქმიანობის უფლების ჩამორთმევით ვადით სამ წლამდე.
