- “უნგრელები თანაგრძნობას გამოხატავენ უკრაინელების მიმართ, მაგრამ უკრაინისთვის სიკვდილი არ სურთ. არ გვსურს, ჩვენი შვილები უკრაინის ფრონტზე, ან თუნდაც უნგრეთის არმიის სახით უკრაინის ტერიტორიაზე გაგზავნონ და კუბოებით დაბრუნდნენ“, – აღნიშნა ორბანმა.
მისივე თქმით, უნგრელებს ასევე არ სურთ, რომ მათი ფული უკრაინაში წავიდეს.
“არ გვსურს, უნგრული ფული უკრაინაში წავიდეს. არ გვსურს, რომ უკრაინის დახმარებისა და ევროკავშირში გაწევრიანების გამო უნგრეთში კომუნალური გადასახადები ორნახევარჯერ გაიზარდოს“, – აღნიშნა ორბანმა.
შეგახსენებთ, უკრაინის პრეზიდენტმა, ზელენსკიმ უნგრულ მედიასთან ინტერვიუში განაცხადა, რომ ვიქტორ ორბანი უკრაინას საკუთარი საარჩევნო მიზნებისთვის იყენებს. „მას არ ესმის, რომ ამას გაცილებით სერიოზული და საშიში შედეგები მოჰყვება: უნგრეთის საზოგადოების რადიკალიზაცია და ანტიუკრაინული განწყობების გაღვივება. ის ამით პუტინს სამსახურს უწევს. სწორედ ამიტომ ვთქვი, რომ ვიქტორი სერიოზულ ისტორიულ შეცდომას უშვებს“, – აღნიშნა ზელენსკიმ.
