ისრაელის ოპოზიციის ლიდერმა, იაირ ლაპიდმა აშშ-ს მოუწოდა, ჩაერთოს ირანში მიმდინარე ომში, რათა დაეხმაროს ისრაელს ისეთი ობიექტების განადგურებაში, როგორიცაა ფორდოს ბირთვული გამდიდრების ობიექტი.
ლაპიდმა განაცხადა, რომ გადაწყვეტილების მიღება დონალდ ტრამპზეა დამოკიდებული, თუმცა დასძინა, რომ „ეს საფრთხეა მთელი მსოფლიოსთვის“.
„ფიქრობ, ეს ყველას ინტერესებში შევა – რეგიონის, მსოფლიოს, ამერიკის შეერთებული შტატების და, რა თქმა უნდა, ისრაელის. ჩვენ ვენდობით პრეზიდენტ ტრამპს, რომ ის სწორად იმოქმედებს“, – აღნიშნა იაირ ლაპიდმა.
მისი თქმით, ისრაელს „მოუწევს გაგრძელება მანამ, სანამ არ დავრწმუნდებით, რომ ირანს არ გააჩნია ისრაელის ხალხისთვის ბირთვულ საფრთხედ გადაქცევის შესაძლებლობა“.
