ირანული ურანის რუსეთში შენახვის წინადადება ძალაში რჩება, თუმცა სამხედრო მოქმედებების დაწყებასთან ერთად ირანის ბირთვული პროგრამის გარშემო სიტუაცია უფრო გართულდა, – ამის შესახებ რუსეთის პრეზიდენტის პრესმდივანმა დმიტრი პესკოვმა ბრიფინგზე განაცხადა.
მან აღნიშნა, რომ სამხედრო მოქმედებები დაიწყო ირანსა და შეერთებულ შტატებს შორის ომანის შუამავლობით დაგეგმილი არაპირდაპირი მოლაპარაკებების შემდეგი რაუნდის წინა დღეს.
„ეს წინადადება მოლაპარაკებების მაგიდაზე რჩება. ის ინარჩუნებს თავის აქტუალობას. თუმცა, რა თქმა უნდა, საბრძოლო მოქმედებების დაწყების შემდეგ სიტუაცია სერიოზულად გართულდა. ჩვენ ვიცით, ომი საბრძოლო მოქმედებები დაიწყო აშშ-სა და ირანს შორის ომანის შუამავლობით არაპირდაპირი მოლაპარაკებების დაწყების წინ. აქ რუსეთი ინარჩუნებს მზადყოფნას გააკეთოს ყველაფერი, რაც საჭიროა, რათა აღმოიფხვრას ამ კრიზისის საწყისი მიზეზები, მოგვარდეს ირანის ბირთვული დოსიე“, – აღნიშნა პესკოვმა.
