მთავარეპისკოპოს ბაგრატ გალსტანიანს ბრალი წაუყენეს ტერორიზმის მომზადებაში, მასობრივი არეულობის წაქეზებასა და ძალაუფლების ხელში ჩაგდებაში. ამის შესახებ ადვოკატმა სერგეი არუთინიანმა ჟურნალისტებთან საუბრისას განაცხადა.
ადვოკატის შეფასებით, ეს კიდევ ერთი პოლიტიკური დევნაა. სერგეი არუთინიანის თქმით, მთავარეპისკოპოს გალსტანიანის სახლის ჩხრეკის დროს იარაღი და საბრძოლო მასალა არ აღმოუჩენიათ.
„ვნახე საგამოძიებო კომიტეტის მიერ გამოქვეყნებული ერთ-ერთი ფოტო, სადაც ჩანს იარაღი, გვერდით კი მისი დოკუმენტი. აშკარაა, რომ ის ეკუთვნის ადამიანს, რომელსაც, მაგალითად, აქვს ამ იარაღის ნებართვა“, – განაცხადა არუთინიანმა.
