აზერბაიჯანის დედაქალაქ ბაქოში პოლიცია საინფორმაციო სააგენტოს, «Sputnik-აზერბაიჯანის» ოფისში ჩხრეკას ატარებს. ამის შესახებ აზერბაიჯანის შსს იუწყება. ინფორმაციას „მედუზა“ ავრცელებს.
შენობა სამართალდამცველ ორგანოებს აქვთ დაკავებული. ჩხრეკის დეტალებზე ინფორმაციას პოლიცია მოგვიანებით გაავრცელებს.
გამოცემა Qafqazinfo იუწყება, რომ «Sputnik-აზერბაიჯანის» საქმიანობა რამდენიმე თვის წინ ოფიციალურად იყო შეჩერებული. ამასთანავე, ოფისი მუშაობას განაგრძობდა და მისი თანამშრომლები სამსახურში დადიოდნენ.
