პეკინს არ შეუძლია, უკრაინასთან ომში რუსეთის დამარცხება დაუშვას, – ამის შესახებ ჩინეთის საგარეო საქმეთა მინისტრმა, ვანგ იმ, საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელს, კაია კალასს განუცხადა.
ინფორმაციას South China Morning Post-ი რამდენიმე წყაროზე დაყრდნობით ავრცელებს.
გამოცემის ცნობით, აღნიშნული პოზიციის მიზეზი არის ის, რომ ჩინეთი „შიშობს, აშშ მთელ ყურადღებას პეკინზე გადაიტანს“. South China Morning Post წერს, რომ ჩინეთის საგარეო საქმეთა სამინისტრო რეგულარულად უსვამს ხაზს, რომ ჩინეთი „არ არის მხარე“ რუსეთ-უკრაინის ომში.
მედიის ცნობით, ვანგ იმ კიდევ ერთხელ უარყო ბრალდებები, რომ ჩინეთი რუსეთს მატერიალურ, ფინანსურ ან სამხედრო მხარდაჭერას უწევს. ოფიციალური პეკინის განცხადებით, ასე რომ ყოფილიყო, „კონფლიქტი დიდი ხნის წინ დასრულდებოდა“.
