როგორც „ქართული ოცნების“ აღმასრულებელი მდივანი მამუკა მდინარაძე დღეს ჟურნალისტებს დაჰპირდა – პარტიის პრესსამსახურმა გაუგზავნა დოკუმენტი „ტვ პირველს“, რომელშიც ასახულია მათ ეთერში გასული სიუჟეტები და დადანაშაულებულია თორნიკე რიჟვაძე კორუფციაში.
მასალის მოცულობის გათვალისწინებით, ველოდებით, რომ ტელეკომპანია პირველი ჩამონათვალს მაინც გააშუქებს, თუ რამდენ სიუჟეტში დაადანაშაულა რადიკალურმა ოპოზიციამ და მათ მიერ კონტროლირებულმა ტელეკომპანია „პირველმა“ რიჟვაძე კორუფციასთან კავშირში.
პარტია „მოქალაქეების“ ლიდერმა ალეკო ელისაშვილმა პარლამენტის პლენარულ სხდომაზე აჭარის უმაღლესი საბჭოს თავმჯდომარე, თორნიკე რიჟვაძე მექრთამეობაში დაადანაშაულა. ელისაშვილმა პარლამენტის თავმჯდომარეს თხოვნით მიმართა საკანონმდებლო ორგანოში შეხვედრა ჩაინიშნოს, სადაც ბათუმში უკონტროლო მშენებლობების თემას განიხილავენ.
13.05.2021
მთავრობის „განახლებული რეგიონების” პროექტი კორუფციული სქემაა, რომლის მიზანი „ქართული ოცნების“ წინასაარჩევნო შავი ფულის ყულაბის შევსებაა – ინფორმაციას ამის შესახებ „ნაციონალური მოძრაობის” აჭარის ორგანიზაციის წევრები ავრცელებენ.
რეზო ხარაზისა და ლევან ანთაძის განცხადებით, განახლებული პროექტების თანახმად ბათუმში და აჭარის მუნიციპალიტეტებში უკვე გაკეთებული პროექტების ხელახალი რეაბილიტაცია ხდება და ამისათვის გამოყოფილია 20 მილიონი ლარი. ოპოზიციის წევრები მაგალითად ბათუმის გმირთა ხეივანს, ასევე, უკვე რეაბილიტირებულ შუახევის კულტურის სახლს ასახელებენ.
ოპოზიციის ბრალდებებს აჭარის მთავრობის მეთაურიც გამოეხმაურა, რომლის თქმით, „ნაციონალური მოძრაობის“ განცხადებები მნიშვნელოვანი არ არის და პროგრამის ფარგლებში აჭარაში ფართომასშტაბიანი პროექტები განხორციელდება.
24.05.2021
„პირველებმა“ გაარკვია ისიც, ვინ იყო წარმოდგენილი ენერგეტიკის განვითარების ფონდში. 2017წლამდე მას მამუკა კობახიძე ხელმძღვანელობს, რომელიც კახა კალაძესთან დაახლოებული პირია. შემდეგ მას თორნიკე რიჟვაძე შეცვლის.
ექსპერტი თეა გოდოლაძე, „პირველებთან“ ამბობს, რომ ხელშეკრულება კვლევის გარეშე გაფორმდა, რაც მთავრობის უპასუხისმგებლობაზე მეტყველებს.
სპეციალისტის თქმით, ასეთი ჰესის მშენებლობა ფულის მარტივად ბრუნვის სქემაა.
26.11.2021
ოთხი წლით არჩეული საკრებულო ანუ ვადაგასული საკრებულო მეხუთე წლის ბიუჯეტის დამტკიცებას გეგმავს. ეს არის ვადაგასული საკრებულო. ის ოთხი წლით იყო არჩეული. გეგმავენ, რომ მეხუთე წლის ბიუჯეტი დაამტკიცონ, რადგან ახალი მოწვევის საკრებულოში „ქართულ ოცნებას“ უმრავლესობა აღარ აქვს. უმრავლესობის მოპოვებისთვის ყველაფერი გააკეთეს, საკრებულოს წევრიც კი გარდაიცვალა, ისეთი მასშტაბის მოსყიდვასა და ზეწოლას ჰქონდა მცდელობა. საკრებულოს შეკრებას ამდენი ხანი არასდროს დასჭირვებია, 2 ოქტომბერს არჩეული საკრებულო ჯერ კიდევ არ არის შეკრებილი. ბათუმში, საკრებულოს ბიუჯეტი ოქტომბრის თვეში არასდროს დაუმტკიცებიათ. „ქართული ოცნება“ მოსწრებაზეა გადასული და ყველაფრის დარღვევით ცდილობს თავი გადაირჩინოს და შეინარჩუნოს ძალაუფლება“, – განაცხადა გიორგი კირთაძემ.
25.12.2021
ეს ადამიანები არიან პოლიტიკური მართლმსაჯულების ჩვეულებრივი მსხვერპლი და მხოლოდ და მხოლოდ, იმიტომ დააპატიმრა რეჟიმმა, რომ მათ ჰქონდათ უთანხმოება დავით და თორნიკე რიჟვაძეებთან. გარდა ამისა, ისინი იყვნენ ოპოზიციის ძალიან აქტიური მხარდამჭერები, ისინი იყვნენ ადამიანები, რომლებიც არ ეგუებოდნენ რეჟიმს აჭარაში, რეჟიმს საქართველოში და მხარს უჭერდნენ ოპოზიციას.
პატარა პროვოკაციის გამო, ეს ადამიანები დღეს არიან ციხეში, მოწყდნენ ოჯახს 5 წლით და მხოლოდ, სამშობლოს სიყვარულის გამო იხდიან დაუმსახურებლად სასჯელს.
მათ შესთავაზეს გასამრჯელო, რომ საპარლამენტო არჩევნების წინ „ქართულ ოცნებაზე“ ემუშავათ, რაზეც რიჟვაძეებს ძალიან მკაცრი უარი განუცხადეს. წუხელ კი, მოსამართლემ მთელი ღამის განხილვის შემდეგ, ჩუმად გამოიტანა განაჩენი“, – განაცხადა დეკანოიძემ.
13.05.2022
აჭარის მთავრობის მეთაური დიდ ბრიტანეთში საიდუმლოდ იმყოფება. „პირველების“ ინფორმაციით, თორნიკე რიჟვაძე ლონდონში კერძო თვითმფრინავით გაფრინდა, თუმცა ვიზიტის დეტალები დამალეს და მხოლოდ მას შემდეგ თქვეს რომ ლონდონშია, რაც ამბავმა ჟურნალისტებამდე გაჟონა. უცნობია, ვისი თვითმფრინავით გაფრინდა ბათუმიდან ლონდონში. რატომ დამალეს რიჟვაძის ვიზიტი უცნობია. მას ლონდონში არც პრესსამსახურის თანამშრომლები წაუყვანია.
ოპოზიციაში ამბობენ, რომ რიჟვაძე ლონდონში ჩინელ ბიზნესმენებთან ერთად გაფრინდა. საუბარია იმ ბიზნესმენებზე, რომლებიც ე.წ. ჩინურ კვარტალს გოგოლის ქუჩაზე უკანონოდ აშენებენ.
07.06.2022
დაპირისპირება აჭარის უმაღლეს საბჭოში – ოპოზიცია თორნიკე რიჟვაძეს ბრალს ნეპოტიზმსა და კორუფციაში დებს.
აჭარის უმაღლეს საბჭოში დღეს მთავრობის მეთაურის 4-წლიანი ანგარიში მოისმინეს. თორნიკე რიჟვაძეს დეპუტატების კითხვები არ მოეწონა, რადგან ის ოპოზიციამ ნეპოტიზმში, კორუფციულ გარიგებებსა და თანხების არამიზნობრივ ხარჯვაში დაადანაშაულა.
12.06.2022
დამალა თუ არა აჭარის მეთაურმა ინფორმაცია – ოპოზიცია რიჟვაძის საგამოძიებო უწყებაში დაბარებას ითხოვს.
ოპოზიცია თორნიკე რიჟვაძის საგამოძიებო უწყებაში დაბარებას მოითხოვს. მიზეზი აჭარის მთავრობის მეთაურის მიერ გაკეთებული განცხადებაა. რიჟვაძე ირწმუნება, რომ კორუფციას აქტიურად ებრძვის, რის გამოც ათობით ადამიანი უსამსახუროდ დატოვა. ხელისუფლების ოპონენტებს აინტერესებთ რა მიზეზით გაუშვა რიჟვაძემ ხალხი სამსახურიდან, როდესაც კორუფცია დანაშაულია და მიმართა თუ არა მან საგამოძიებო უწყებებს.
16.06.2022
კორუფცია და შეუსრულებელი სამუშაოები აჭარაში – ოპოზიცია პროკურატურას მიმართავს.
რატომ ვერ დასრულდა ბათუმის და სარფის ნაპირსამაგრი სამუშაოები, რომელზეც მილიონები დაიხარჯა – ოპოზიცია ინფრასტრუქტურის მინისტრისგან პასუხს ითხოვს. ენმ-ს წევრი ლევან ხაბეიშვილი ამბობს, რომ ბიუჯეტიდან გაფლანგულ 115 მილიონ ლარზე პასუხი არავის უგია. ოპოზიციის წევრის თქმით, ბათუმი ტურისტულ სეზონს მოუმზადებელი ხვდება.
01.09.2022
ბათუმის მერია სკანდალში ეხვევა – სახელმწიფო უსაფრთხოების სამსახური გაცემული სამშენებლო ნებართვების საქმით დაინტერესდა. უკვე გამოიკითხა არქიტექტურის არქიტექტურის სამსახურის ყოფილი ხელმძღვანელი, მირიან მეტრეველს პირადი მობილური ტელეფონიც კი ჩამოართვეს. მეტრეველი მედიასთან კომუნიკაციაზე უარს ამბობს, შესაბამისად უცნობია, კონკრეტულად რომელი მშენებლობის ნებართვით დაინტერესდა სუსი. ამ დრომდე უცნობია გამოიკითხა თუ არა მერი არჩილ ჩიქოვანი. ოპოზიციაში აცხადებენ, რომ მირიან მეტრეველი ჩიქოვანისა და თორნიკე რიჟვაძის თანხმობის გარეშე ვერ იმოქმედებდა. ხელისუფლების ოპონენტების თქმით, მირიან მეტრეველი თანამდებობიდან მას შემდეგ მოხსნეს, რაც აჭარის მთავრობის მეთაურს დაუპირისპირდა.
ამ ქალაქში უამრავი უკანონოდ გაცემული მშენებლობის ნებართვაა და უამრავი უკანონო მშენებლობაა. თუმცა ახლა ამ ყველაფრის მირიან მეტრეველისთვის გადაბრალება, რა თქმა უნდა სწორი არ არის. აჭარის უმაღლეს საბჭოში თორნიკე რიჟვაძის ცნობილი და სკანდალური მოსვლა, საზოგადოებას კარგად ახსოვს, სადაც ბატონი რიჟვაძე განსაკუთრებული უზრდელობით გამოირჩეოდა. ამას შეფასებებიც მოჰყვა, რა თქმა უნდა „ქართული ოცნების“ არცერთ წევრს არ მოეწონა ეს, მაგრამ მირიან მეტრეველს ხმამაღლა მოუწია იმის თქმა, რომ ტერმინოლოგიას, რითაც საუბრობდა რიჟვაძე – არ ეთანხმებოდა. დარწმუნებული ვარ, რომ სწორედ ამის გამო მოხდა მისი გაშვება სამსახურიდან მეორე დღესვე“, – განაცხადა „ტვ პირველთან“ „ერთიანი ნაციონალური მოძრაობის“ ერთ-ერთმა ლიდერმა გიორგი კირთაძემ.
18.10.2022
ნეპოტიზმი და კორუფციული გარიგებები აჭარაში – ოპოზიცია რეგიონის მთავრობის მეთაურს თორნიკე რიჟვაძესა და ბათუმის მერს არჩილ ჩიქოვანს დანაშაულებრივ გარიგებებში ამხელს. საქმე ე.წ. ავარიული სახლების პროგრამას ეხება. „ნაციონალური მოძრაობის“ მიერ გასაჯაროებული დოკუმენტებით დგინდება, რომ სამშენებლო ნებართვების გამცემი საბჭო „ქართული ოცნების“ ნდობით აღჭურვილი პირებითა და მაღალჩინოსნების ახლობლებით არის დაკომპლექტებული.
29.10.2022
აუდიტის სკანდალურ დასკვნას ოპოზიცია ეხმიანება და ამბობს, რომ აჭარაში კორუფციის მასშტაბები გაზრდილია. ხელისუფლების ოპონენტები ყურადღებას ერთ ფაქტზე ამახვილებენ – ზაზა შავაძე, რომელსაც საავტომობილო გზების დეპარტამენტი ებარა, თორნიკე რიჟვაძემ დააწინაურა და სოფლის მეურნეობის მინისტრად დანიშნა. ამ ფაქტს კი ისინი იმით ხსნიან, რომ შავაძე და რიჟვაძე ნათესავები არიან.
16.06.2023
გუშინ აჭარის მძარცველმა ბანდამ იკადრა და თქვა, რომ 2008 წელს მე გავიქეცი – სააკაშვილი.
„ლაჩრულად წაგებული ომი“ – აჭარის მთავრობის მეთაურის ანტისახელმწიფოებრივ განცხადებას საქართველოს მესამე პრეზიდენტი ეხმაურება. მიხეილ სააკაშვილი თორნიკე რიჟვაძეს შეახსენებს, რომ მან პარტნიორების შეთავაზების მიუხედავად, 2008 წელს აგვისტოს ომის დროს ქვეყანა არ დატოვა. სააკაშვილის თქმით, პუტინი დღემდე ვერ პატიობს, რომ არ მისცა უფლება საქართველოს სრული ანექსიის.
სააკაშვილმა აჭარის მთავრობის მეთაური რუს ოფიცრებთან ახლო მეგობრული კომუნიკაციის გამოც გააკრიტიკა.
გუშინ აჭარის მძარცველმა ბანდამ იკადრა და თქვა, რომ 2008 წელს მე გავიქეცი.
2008 წლის აგვისტოში მე უარი რომ არ მეთქვა, ისევე როგორც ზელენსკის 2022-ში დასავლელი მეგობრების შემოთავაზებაზე ქვეყნის დატოვების შესახებ, ქართული დროშაც აღარ იფრიალებდა.
სწორედ ამიტომ არსებობს ის ბათუმი, სადაც ახლა „ხელისუფლება” ჩეჩენ ბანდიტებს და რუს ოფიცრებს მასპინძლობს და მათ დაკრულზე ცეკვავს.
ბრავო ელგუჯა ბაგრატიონს და გიორგი კირთაძეს! მაგრად მოსვეს ეს რუსის მონები ადგილზე.
მათ, ასევე, ისაუბრეს 2008 წლის აგვისტოს ომში ჩვენს „სამარცხვინო მარცხზე“.
უკრაინას მაინც უნდა ეჩვენებინა თუ რას გადავარჩინეთ საქართველო 2008-ში.
რუსეთმა ვერცერთი თავისი სტრატეგიული ამოცანა ვერ შეასრულა და ეს ვერ უპატიებია დღემდე ჩემთვის პუტინს.
სწორედ ეს არის ჩვენი გმირების დამსახურება. დღეს კიდევ ესენი რუს ოფიცრებთან ერთად ჩემს აშენებულ „რედისონში“ სხედან და ჩვენს გმირებს დასცინიან, მე კი ტყვეობაში ვრჩები“, – წერია სააკაშვილის განცხადებაში.
10.10.2023
ივანიშვილის პირადი მოურავები – ღარიბაშვილი და რიჟვაძე ბიუჯეტიდან 200 მილიონის მოპარვას გეგმავენ – ხარაზი ბიძინა ივანიშვილის პირადი მოურავები ღარიბაშვილი და რიჟვაძე გეგმავენ ბიუჯეტიდან 200 მილიონის მოპარვას – ამის „ერთიანი ნაციონალური მოძრაობის“ ბათუმის საკრებულოს წევრმა რეზო ხარაზმა განაცხადა.
მისი თქმით, ინფრასტრუქტურის სამინისტროს მიერ შემუშავებული იქნა ახალი ე.წ კურორტების განვითარების ერთ მილიარდიანი პროგრამა, სადაც გამოცხადებულ ტენდერში უკონკურენტოდ, მხოლოდ ერთმა, „ოცნებასთან“ კავშირში მყოფმა შპს საბა კონსთრაქშენმა მიიღო მონაწილეობა და მოიგო.
რეზო ხარაზის განცხადებით, აღნიშნულ კომპანიას უკავშირდება „გმირთა ხეივნის“ გაჭიანურებული და კორუფციული პროექტი.
17.11.2023
ენმ-ს წევრის ნუგზა ფუტკარაძის გარდაცვალებასთან დაკავშირებით ენმ გამოძიების დაწყებას ითხოვს. ამის შესახებ „ერთიანი ნაციონალური მოძრაობის“ აჭარის ორგანიზაციის თავმჯდომარემ ელგუჯა ბაგრატიონმა საგანგებო ბრიფინგზე ისაუბრა.
ბაგრატიონი თანაგუნდელის სიკვდილში ხელისუფლებას და აჭარის მთავრობის თავმჯდომარეს ადანაშაულებს. მისი თქმით, საქმე სათანადოდ გამოძიებული იქამდე ვერ იქნება, ვიდრე თორნიკე რიჟვაძე თანამდებობას იკავებს.
ორი წელი გავიდა ჩვენი თანაგუნდელის, ნუგზარ ფუტკარაძის გარდაცვალებიდან. მიუხედავად არაერთი მტკიცებულების და ჩანაწერის საჯაროდ გამოქვეყნებისა, დღემდე გამოუძიებელია. მოვუწოდებ პროკურატურას, დაუყოვნებლივ იქნეს გამოძიებული ეს დანაშაული, ოჯახი იქნეს დაზარალებულად ცნობილი, რათა ჰქონდეს წვდომა გამოძიების მასალებთან“, – განაცხადა „ერთიანი ნაციონალური მოძრაობის“ აჭარის ორგანიზაციის თავმჯდომარემ ელგუჯა ბაგრატიონმა.
„ორი წელი გავიდა ჩვენი თანაგუნდელის, ნუგზარ ფუტკარაძის გარდაცვალებიდან. მას შემდეგ, რაც 2021 წლის არჩევნებზე „რუსულმა ოცნებამ“ დაკარგა უმრავლესობა და უმრავლესობით მოვიდა ოპოზიცია, რა თქმა უნდა, ირაკლი კობახიძემ გასცა დავალება, რომ ეს ბალანსი როგორმე აღედგინა თორნიკე რიჟვაძეს. მას შემდეგ თორნიკე რიჟვაძე, რა თქმა უნდა, გადავიდა ქმედებაზე და დაიწყო საკრებულოს წევრების მოსყიდვა, შანტაჟი, მუქარა და სამწუხაროდ, მათ შორის იყო ნუგზარ ფუტკარაძე, რომელიც არ გაიყიდა, მან ერთგულება დაუმტკიცა თავის ამომრჩეველს და თავის თანაგუნდელებს, მაგრამ ვერ გაუძლო მისმა ჯანმრთელობამ და გულმა და ის გარდაიცვალა. მიუხედავად იმისა, რომ არაერთი მტკიცებულება და არაერთი ჩანაწერი გამოქვეყნდა საჯაროდ, დღემდე გამოძიებული არ არის. ვერ იქნება და არ იქნება გამოძიებული მანამ, სანამ თორნიკე რიჟვაძე ინარჩუნებს მთავრობის თავმჯდომარის თანამდებობას და მისი მამა პოლიციის მაღალჩინოსნის თანამდებობას, ამიტომ მოვუწოდებ პროკურატურას, დაუყოვნებლივ იქნეს გამოძიებული ეს დანაშაული, ოჯახი იქნეს დაზარალებულად ცნობილი, რათა ოჯახს ჰქონდეს წვდომა გამოძიების მასალებთან. ასევე მოვუწოდებ არასამთავრობო ორგანიზაციებს და საელჩოებს, რათა ყურადღებით დააკვირდნენ ამ გამოძიებას. ჩვენ არ შევეგუებით და არ შევარჩენთ ნუგზარ ფუტკარაძის მკვლელობას, აუცილებლად დაისჯება ყველა ის პირი, ვინც მონაწილეობას იღებდა მის გარდაცვალებაში, – განაცხადა ელგუჯა ბაგრატიონმა.
30.11.2023
„რიჟვაძეებმა და მისმა კლანმა გადაჭამეს აჭარა… ეს კრიმინალური დაჯგუფება, ბანდა ცხადია ვერ იტანს და ვერ ეგუება, როცა „ნაციონალური მოძრაობის“ ლიდერები ახსენებენ ხალხს და ხალხის პრობლემებს“, – ეს განცხადება „ნაციონალური მოძრაობის“ თავმჯდომარემ ლევან ხაბეიშვილმა აჭარის უმაღლეს საბჭოში მომხდარი ფიზიკური დაპირისპირების შეფასებისას გააკეთა.
05.12.2023
„კლანურმა სასამართლომ ძალაში დატოვა ძმები წულუკიძეების, გელა და ირაკლი ჭელიძეების და ელდარ ანთაძის სასჯელი. ეს იყო პოლიტიკური გადაწყვეტილება კრიმინალური დაჯგუფების წარმომადგენლების – მამა-შვილი რიჟვაძეების მიერ, რომლებიც ამხილეს ამ ადამიანებმა“, – განაცხადა „ერთიანი ნაციონალური მოძრაობის“ აჭარის უმაღლესი საბჭოს წევრმა ელგუჯა ბაგრატიონმა.
მისივე თქმით, ხელისუფლების ბერკეტები დღეს „კრიმინალური დაჯგუფების წარმომადგენლებს მამა-შვილ რიჟვაძეებს აქვთ“.
„კლანურმა სასამართლომ ძალაში დატოვა სპორტსმენი, პატრიოტი ადამიანების, ძმები წულუკიძეების, გელა და ირაკლი ჭელიძეების და ელდარ ანთაძის სასჯელი. ეს რომ პოლიტიკური გადაწყვეტილება იყო კარგად იცის საზოგადოებამ. მაშინ, როდესაც ხელისუფლების ბერკეტები, რომელშიც არიან დღეს კრიმინალური დაჯგუფების წარმომადგენლები მამა-შვილი რიჟვაძეები, რომელიც ერთი მთავრობის თავმჯდომარეა და მეორე პოლიციის მაღალჩინოსანი, ეცდებოდნენ ამ ადამიანების მოსყიდვას და თანაც ბიუჯეტის ფულით, ამხილეს ამ ადამიანებმა და ამის შემდეგ დაიწყო მათი დევნა, კლანურმა სასამართლომ მიუსაჯა სასჯელი და დატოვა პატიმრობაში, როგორც ჩანს ხელისუფლება არ აპირებს და არ ეგუება იმ რეალობას”, – განაცხადა ელგუჯა ბაგრატიონმა.
02.08.2024
2023 წელს აჭარის მთავრობის ეგიდით თორნიკე რიჟვაძემ გამოაცხადა ტენდერი ქობულეთში სპორტული სკოლის მშენებლობისთვის, რომელიც არ შედგა და იმის შემდეგ ტენდერიც არ გამოცხადებულა და საერთოდ გაჩერდა აღნიშნული პროექტი და შესაბამისად, თორნიკე რიჟვაძეს წინასაარჩევნო დაპირებაც გადაეყარა წყალში. ამიტომ, კითხვით მივმართეთ ჩვენ თორნიკე რიჟვაძეს და ქობულეთის მუნიციპალიტეტის მერს ლევან ზოიძეს, რატომ მავნებლობენ შეგნებულად და მხოლოდ და მხოლოდ, წინა ხელისუფლების მიერ დაწყებული პროექტი რატომ გახდა მიზეზი, რომ ქობულეთელებისთვის, ქობულეთელი ახალგაზრდა სპორტსმენებისთვის წაერთვათ კომპლექსური სკოლა, რომელიც დღემდე არ აშენებულა, მათ მხოლოდ ერთადერთი საქმე რაც გამოსდით ქობულეთში, ეს არის ქრთამი და კორუფციული გარიგებები, სხვა შემთხვევაში, მათი მოღვაწეობის დროს და რუსული ოცნების ხელისუფლების დროს ქობულეთში რაიმე მნიშვნელოვანი, რაც ადგილობრივ ახალგაზრდებს გამოადგებოდა, არაფერი არ გაუკეთებიათ, – განაცხადა ბონდო თედორაძემ.
04.04.2025
„რაც შეეხება მის პერსონალურ ამბავს, ისე არ უნდა იცხოვრო და იშრომო პოლიტიკურ თანამდებობაზე, რომ შენს წასვლას მერე თანამდებობიდან ხალხი ერთმანეთს ბათუმის ქუჩებში ულოცავდეს“, – ამბობს ირაკლი კირთაძე.
23.06.2025
ლევან ხაბეიშვილი
რომეო მიქაუტაძეს მოსთხოვეს 250 მილიონი – უარის შემდეგ საჩვენებლად დააკავეს.
თორნიკე რიჟვაძეს მოსთხოვეს 300 მილიონი, რაზეც უარი განაცხადა – რამდენიმე დღეში ის და მისი კლანიც დახსნეს თანამდებობებიდან.
ამის შემდეგ, რიჟვაძემ ამ ფულის „გრაფიკით“ გადახდა გადაწყვიტა, შესაბამისად ჯერჯერობით თავისუფალია.
25.06.2025
ოპოზიციონერი პოლიტიკოსი ფიქრობს, რომ „ოცნების“ არაერთ წევრს ციხე ემუქრება იმის გამო, რომ მათ ივანიშვილამდე მისი თქმით, ნაძარცვი ფულის წილი არ მიჰქონდათ და მსგავს „მაფიებში“ არიან გახლართულები.
კობახიძემ და მდინარაძემ შიდა გადატრიალება დაგეგმეს „ქართულ ოცნებაში“ და წინა თაობის „ქოცებს“ დევნიან პირდაპირი მნიშვნელობით.
ახლა, სანქცირებულ ივანიშვილს, რომელმაც 4 მლრდ დაკარგა სანქციების პირობებში და გაშლეგებული, ფაქტობრივად, გაწანწალებული დასდევს ფულს და სხვადასხვა ჩინოვნიკს მოპარულს სთხოვს. ამასობაში მდინარაძემ და კობახიძემ დააბეზღეს, პირდაპირი მნიშვნელობით, ლილუაშვილი, ღარიბაშვილი, ფარცხალაძე, გომელაური და რიჟვაძე და ბიძინა ივანიშვილს აუტანეს დოკუმენტები, სადაც დაუმტკიცეს, რომ 1 მლრდ-მდე ადამიანებს მოპარული აქვთ ისე, რომ ბიძინასთან არ მიუტანიათ წილი.
25.06.2025
პირველები 20:00 საათზე.
სად გაუჩინარდა უჩა მამაცაშვილი. ოპოზიცია ამტკიცებს, რომ ერთ-ერთი ვის ანგარიშებზეც ახლა ივანიშვილი გამქრალ ფულს ეძებს, მისი დეიდაშვილია. მამაცაშვილის სახელი წლების მანძილზე არა ერთ სკანდალს დაუკავშირდა, მათ შორის საჯარო წყაროებში წერდნენ დიდი ფულის სანაცვლოდ ბიზნესების ლობირებაზე. ოპოზიცია ამტკიცებდა, რომ სწორედ მამაცაშვილთან მიდიოდა წილი არა ერთი მსხვილი ბიზნესიდან, ახლა კი ამ ბიზნესებიდან ამოღებულ მილიონებს ეძებენ. კობახიძე, მდინარაძე ყოფილ თანაგუნდელებს ერთმანეთის მიყოლებით ივანიშვილთან აბეზღებენ, ცდილობენ პარტიის დამფუძნებელს დაუმტკიცონ, რომ ლულუაშვილმა, ღარიბაშვილმა, ფარცხალაძემ, გომელაურმა და რიჟვაძემ მილიარდი მოიპარეს. გომელაურმა კი პასუხისმგებლობის მთელი ტვირთი მამაცაშვილს აჰკიდა, ეს არის ვერსია რომელიც დღეს პოლიტიკოსებისაგან მოვისმინეთ. ოცნების ყოფილი წევრების დაკითხვებზე დაბარება არც სუსის შეფმა გამორიცხა.
თაიმ კოდი 2:00-დან
ლევან ხაბეიშვილი: „კობახიძემ და მდინარაძემ დააბეზღეს ლილუაშვილი, ფარცხალაძე, გომელაური, რიჟვაძე და ბიძინა ივანიშვილს აუტანეს დოკუმენტი და დაუმტკიცეს, რომ მილიარდი აქვთ მოპარული ამ ხალხს“.
თაიმ კოდი 5:15-დან
ირაკლი კუპრაძე: „ივანიშვილმა გადაწყვიტა, რომ ფული ამოიღოს კორუფციონერი ჩინოვნიკებისგან და დასაჯოს, დაიჭიროს ისინი“.
თაიმ კოდი 6:35-დან
https://www.youtube.com/watch?v=sKLXe3xHHzQ
01.07.2025
ტვ პირველი: „მაკა ანდრონიკაშვილის დღის ამბები“
ლევან ხაბეიშვილის თქმით, „ქართულ ოცნებაში“ მიმდინარე საკადრო გადაადგილებები არაფერ შუაშია სანქციებთან – ივანიშვილმა ისინი იმიტომ გაუშვა სახლში, რომ ივანიშვილის გარეშე იშოვეს ბევრი ფული და ახლა ეუბნება, რიჟვაძეს ეუბნება, რომ ფული მიუტანოს, 300მლნ დოლარი – იმაზე მეტს იპარავდნენ, ვიდრე ივანიშვილისთვის მიჰქონდათ. მათ ქვეყნიდან არ უშვებს.
თაიმ კოდი: 00:32:18-დან
https://www.youtube.com/live/8G05xP-3xDg
07.07.2025
ბიზნესის შემდეგ, პარტიის მაღალი თანამდებობის პირების ჯერი დადგა, – ასე ეხმაურება საქართველოს მეხუთ პრეზიდენტი სალომე ზურაბიშვილი თორნიკე რიჟვაძის საქმეს და ამბობს, რომ „მაღალი დონის კორუფცია და შურისძიება ახალი რეალობაა“.
