აშშ-ის პრეზიდენტის დონალდ ტრამპის განცხადება უკრაინაში ამერიკული წარმოების იარაღის ევროპელების დაფინანსებით გაგზავნის შესახებ, სასიამოვნო ამბავი იყო, – ამის შესახებ ამერიკელი სენატორი ლინდსი გრემი სოციალურ ქსელში წერს.
ამერიკელი სენატორის აზრით, ასევე, მნიშვნელოვანი იყო ტრამპის ულტიმატუმი, რომ თუ საბრძოლო მოქმედებები 50 დღეში არ დასრულდება, 100%-იანი ტარიფები დაუწესდება ქვეყნებს, რომლებიც იაფ რუსულ ნავთობს ყიდულობენ და პრეზიდენტ ვლადიმერ პუტინის საომარ მანქანას უჭერენ მხარს.
„თუ პუტინს და სხვებს აინტერესებთ, რა მოხდება 51-ე დღეს, ვურჩევდი, რომ აიათოლას დაურეკონ“, – წერს სენატორი.
