პარიზის გადაწყვეტილებას, აღიაროს პალესტინის სახელმწიფო, საფრანგეთის პრეზიდენტის ემანუელ მაკრონის მრჩეველი ეხმაურება და აცხადებს, რომ „ჰამასის“ მიერ 2023 წლის 7 ოქტომბერს ისრაელის წინააღმდეგ განხორციელებული თავდასხმა სწორედ პალესტინის სახელმწიფოს არარსებობამ განაპირობა.
„40 წლის განმავლობაში ყველა ორი სახელმწიფოს შექმნის გადაწყვეტაზე საუბრობდა“, – განაცხადა ოფერ ბრონშტეინმა, მაკრონის დიდი ხნის სპეციალურმა მრჩეველმა ისრაელ-პალესტინის საკითხებში, ისრაელის საზოგადოებრივ მაუწყებელ Kan-თან ებრაულენოვან ინტერვიუში.
„ვბრაზდები, როცა ხალხი ამბობს, რომ ჩვენ ტერორს ვუწყობთ ხელს“, – აღნიშნა მან და დასძინა, რომ შესაძლოა, 7 ოქტომბრის თავდასხმა სწორედ იმიტომ მოხდა, რომ პალესტინის სახელმწიფო არ არსებობდა.
„2023 წლის 7 ოქტომბერს ღაზაში პალესტინის სუვერენიტეტის არსებობის შემთხვევაში, დარწმუნებული ვარ, 7 ოქტომბერი არ მოხდებოდა. სუვერენიტეტი პასუხისმგებლობაა“, – განაცხადა მაკრონის მრჩეველმა.
