რუსეთი უკრაინელ ხალხს ძმურ ერად მიიჩნევდა და მიიჩნევს, ხოლო რაც ხდება, ტრაგედია და მძიმე ტკივილია – ამიტომაც მოსკოვი გულწრფელად არის დაინტერესებული კრიზისის დასრულებით, – განაცხადა რუსეთის პრეზიდენტმა, ვლადიმირ პუტინმა ამერიკელ კოლეგასთან გამართულ ერთობლივ პრესკონფერენციაზე.
„ჩვენ ყოველთვის მივიჩნევდით და მივიჩნევთ უკრაინელ ხალხს ძმურ ერად, ამის შესახებ არაერთხელ მითქვამს, როგორ უცნაურადაც არ უნდა ჟღერდეს ეს დღევანდელ პირობებში. ჩვენ ერთი ფესვები გვაქვს და ყველაფერი, რაც ხდება, ჩვენთვის ტრაგედია და მძიმე ტკივილია“, – აღნიშნა რუსეთის პრეზიდენტმა.
