ეს მონაცემები აჩვენებს, რომ ქირის ფასის გარეშე, ანკარაში ცხოვრება 7.4%-ით უფრო ძვირია, ვიდრე თბილისში, ქირის ფასი ჩათვლით კი ეს ცვლილება 3%-ს შეადგენს. კერძოდ, კვლევის მიხედვით, ქირის ფასის ჩათვლით, თბილისში ერთი თვის განმავლობაში ცხოვრებისთვის საჭიროა დაახლოებით 8 400 ლარი, ანკარაში კი 8 655 ლარი (131 851 ლირა).
მიუხედავად იმისა, რომ ანკარაში ცხოვრება უფრო ძვირია, ვიდრე თბილისში, რიგ ინდიკატორებში ანკარას უკეთესი მაჩვენებელი აქვს. მაგალითად, ქირა 8.8%-ით უფრო იაფია, რესტორანში კვების ფასი 6.2%-ით ნაკლებია, მსყიდველობით უნარი კი 17.3%-ით მეტია.
ანკარაში ცხოვრება უფრო ძვირია, ვიდრე თბილისში
ასე მაგალითად, ანკარას ქალაქის ცენტრში ერთოთახიანი ბინის ქირავნობის ფასი თვეში 1 910 ლარია (29 095 ლირა), თბილისში კი 1 922 ლარი. სამოთახიანი ბინის ქირის ფასი ცენტრალურ უბანში, საქართველოს დედაქალაქში 3 697 ლარს შეადგენს, თურქეთის დედაქალაქში კი 2 932 ლარს (44 666 ლირა).
რაც შეეხება უძრავი ქონების გასაყიდ ფასებს, 1 კვ.მ ბინის ფასი ანკარას ცენტრში საშუალოდ 4 573 ლარია (69 670 ლირა), თბილისის ცენტრში კი 6 019 ლარი. გარეუბანში თბილისის შემთხვევაში ფასები 3 578 ლარს შეადგენს, ანკარაში კი 3 018 ლარს (45 976 ლირა).
დაბოლოს, მონაცემები აჩვენებს, რომ ანკარაში ხელფასები 20.9%-ით მეტია, ვიდრე თბილისში. უფრო დეტალურად, თვეში საშუალო ხელფასი გადასახადების გამოკლებით 1 721 ლარია, თურქეთში კი 2 081 ლარი (31 711 ლირა),
