რუსეთი მზადაა, ხერსონისა და ზაპოროჟიეს ოლქებში ფრონტის ხაზთან გაჩერდეს, თუკი მიიღებს უკრაინის მიერ კონტროლირებადი დონბასის დარჩენილ ნაწილს, – ამის შესახებ თურქეთის საგარეო საქმეთა მინისტრმა ჰაკან ფიდანმა განაცხადა.
„ამჟამად არსებობს წინასწარი შეთანხმება მათთვის დონეცკის ოლქის დარჩენილი 25-30%-ის გადაცემაზე და ზაპოროჟიესა და ხერსონის შენარჩუნებაზე შეხების ხაზების საზღვრებში“, – აღნიშნა თურქეთის საგარეო საქმეთა სამინისტროს ხელმძღვანელმა.
მისი თქმით, თურქეთი ომის მომხრე არაა.
„ჩვენ ვიმედოვნებთ, რომ რუსეთსა და უკრაინას შორის მშვიდობა დამყარდება“, – დასძინა ფიდანმა.
როგორც მედია წერს, რუსეთის ფედერაციის მხრიდან ამ ინფორმაციის დადასტურება არ მომხდარა.
