ევროპელი ლიდერები სამომავლო სამშვიდობო შეთანხმების ფარგლებში რუსეთსა და უკრაინას შორის 40-კილომეტრიანი ბუფერული ზონის შექმნას განიხილავენ, – ამის შესახებ Politico ხუთ ევროპელ დიპლომატზე დაყრდნობით იტყობინება.
როგორც მედიასაშუალება აღნიშნავს, ეს წინადადება ერთ-ერთია იმ რამდენიმე წინადადებას შორის, რომელსაც სამხედრო და სამოქალაქო პირები განიხილავენ უკრაინაში ომის შემდგომი ან ცეცხლის შეწყვეტის სცენარისთვის.
ოფიციალური პირები ზონის სიღრმეზე ვერ თანხმდებიან და გაურკვეველია, მიიღებს თუ არა კიევი ასეთ გეგმას.
როგორც ჩანს, შეერთებული შტატები ბუფერული ზონის შესახებ დისკუსიებში არ მონაწილეობს.
ოფიციალური პირები 4000-დან დაახლოებით 60 000-მდე სამხედრო მოსამსახურის გაგზავნის საკითხს განიხილავენ, თუმცა ქვეყნებს ჯერ არ აუღიათ რაიმე ვალდებულება.
„ყველა ცდილობს რაც შეიძლება სწრაფად შეთანხმდეს უსაფრთხოების გარანტიებზე, რათა ტრამპმა არ გადაიფიქროს პუტინზე ზეწოლა მოლაპარაკებების გზით შეთანხმების მისაღწევად“, – განაცხადა ერთ-ერთმა ევროპელმა ჩინოვნიკმა.
