კრემლის ლიდერმა ვლადიმერ პუტინმა ჩინურ მედიასთან ინტერვიუში განაცხადა, რომ რუსეთი და ჩინეთი განიხილავენ ურთიერთსასარგებლო თანამშრომლობის შემდგომ პერსპექტივებს და ახალ ნაბიჯებს ჩინელი და რუსი ხალხის საკეთილდღეოდ.
პუტინის თქმით, „რუსეთი და ჩინეთი გააგრძელებენ ერთად მუშაობას კეთილშობილური მიზნის მისაღწევად და გააერთიანებენ ძალისხმევას ორი დიდი ერის კეთილდღეობისთვის.“.
ამასთან, კრემლის ლიდერმა ჩინურ მედიასთან საუბრისას დასავლეთი მეორე მსოფლიო ომის შედეგების გადახედვასა და ისტორიის ფალსიფიკაციაში დაადანაშაულა.
პუტინმა ხაზგასმით აღნიშნა, რომ დასავლეთის რიგ ქვეყნებში ხდება მეორე მსოფლიო ომის შედეგების გადახედვა და ისტორიული ჭეშმარიტების ფალსიფიკაცია.
„რუსეთი და ჩინეთი მტკიცედ გმობენ მეორე მსოფლიო ომის ისტორიის დამახინჯების ნებისმიერ მცდელობას. ომის შედეგები, როგორც ეს გაეროს წესდებასა და სხვა საერთაშორისო დოკუმენტებშია ასახული, უცვლელია და მათი გადახედვა მიუღებელია“, – აცხადებს რუსეთის პრეზიდენტი.
