რუსეთის პრეზიდენტმა ვლადიმერ პუტინმა განაცხადა, რომ მოსკოვი უკრაინის ევროკავშირში გაწევრიანებას არასოდეს ეწინააღმდეგებოდა. ამ თემაზე მან ჩინეთში, სლოვაკეთის პრემიერ-მინისტრ რობერტ ფიცოსთან შეხვედრაზე ისაუბრა.
კრემლის ლიდერმა ასევე აღნიშნა, რომ უკრაინის ნატოში გაწევრიანება მისთვის მიუღებელია.
„რაც შეეხება ნატოს, ეს სულ სხვა საკითხია. აქ საუბარი რუსეთის ფედერაციის უსაფრთხოების უზრუნველყოფაზეა, თანაც არა მარტო დღეს, არამედ გრძელვადიან პერსპექტივაში. ჩვენი პოზიციები ამ საკითხთან დაკავშირებით ცნობილია – ჩვენთვის ეს მიუღებელია“, – აღნიშნა პუტინმა.
რობერტ ფიცო ერთადერთი ევროპელი ლიდერია, რომელიც ჩინეთში მეორე მსოფლიო ომის დასრულების იუბილესადმი მიძღვნილ ღონისძიებაზე ჩავიდა.
