ისტორია გვაფრთხილებს, რომ კაცობრიობის ბედი მჭიდროდ არის ურთიერთდაკავშირებული. ერები და ხალხები როცა ერთმანეთს თანასწორად ეპყრობიან, ერთად ცხოვრობენ ჰარმონიაში და ერთმანეთს უჭერენ მხარს, მხოლოდ მაშინ შეგვიძლია, დავიცვათ საერთო უსაფრთხოება და აღმოვფხვრათ ომის ძირითადი მიზეზები, – ამის შესახებ ჩინეთის პრეზიდენტმა, სი ძინპინმა განაცხადა.
სი ძინპინის თქმით, დღეს კაცობრიობა კვლავ არჩევანის წინაშე დგას მშვიდობასა და ომს, დიალოგსა და დაპირისპირებას შორის.
„ჩვენ არ უნდა დავუშვათ ისტორიის ტრაგედიების გამეორება. ჩინელი ერი დიდი ერია, რომელსაც ვერ შეაშინებენ მოძალადეები, დგას დამოუკიდებლად და მტკიცედ. წარსულში, როდესაც სამართლიანობასა და ბოროტებას, სინათლესა და სიბნელეს, პროგრესსა და უკუსვლას შორის სასიცოცხლო ბრძოლის წინაშე იდგა, ჩინელი ხალხი იდგა ერთიანად, წინააღმდეგობას უწევდა და იბრძოდა ქვეყნის გადარჩენისთვის, ერის აღორძინებისა და სამართლიანობისთვის მთელი კაცობრიობისთვის. დღეს კაცობრიობა კვლავ არჩევანის წინაშე დგას მშვიდობასა და ომს, დიალოგსა და დაპირისპირებას, ურთიერთსასარგებლოსა და ნულოვანი ჯამის კონკურენციას შორის. ჩინელი ხალხი მტკიცედ დგას ისტორიის სწორ მხარეს – ცივილიზაციისა და პროგრესის მხარეს – ერთგულია მშვიდობიანი განვითარების გზის და ყველა ქვეყნის ხალხებთან ერთად მუშაობს, რათა ააშენოს საზოგადოება, რომელსაც კაცობრიობისთვის საერთო მომავალი ექნება“, – განაცხადა სი ძინპინმა.
