EBRD-ის შემდეგ საქართველოს ეკონომიკური ზრდის პროგნოზს აზიის განვითარების ბანკიც (ADB) ზრდის. ბანკმა ქვეყნის 2025 წლის ეკონომიკური ზრდის პროგნოზი 6%-დან 7%-მდე გაზარდა.
საკითხს პარლამენტის ეკონომიკური პოლიტიკის კომიტეტის თავმჯდომარე შოთა ბერეკაშვილი გამოეხმაურა.
„აზიის განვითარების ბანკმა (ADB) საქართველოს ეკონომიკური ზრდის პროგნოზი 7%-მდე გაზარდა; იგივე მაჩვენებელი დააფიქსირა EBRD-მა, ხოლო IMF-მა 7.2%-მდე. აღნიშნული წარმატება მთავრობის თანმიმდევრული და ქვეყნის ინტერესებზე დაფუძნებული ეკონომიკური პოლიტიკის შედეგია“, – აცხადებს შოთა ბერეკაშვილი.
