2025 წლის სექტემბერში ფულის გათეთრებისთვის დევნა 13 ადამიანის მიმართ დაიწყო – ამის შესახებ აღნიშნულია საქსტატის მიერ გამოქვეყნებულ სისხლის სამართლის სტატისტიკის მაჩვენებლებში.
ამავე სტატისტიკის მიხედვით, სამეწარმეო ან სხვა ეკონომიკური საქმიანობის წინააღმდეგ მიმართულ დანაშაულზე დევნა სექტემბერში სულ 69 ადამიანის მიმართ დაიწყო.
დევნის დაწყების მიზეზი, ყველაზე მეტ – 37 შემთხვევაში საქონლის აქციზური მარკის გარეშე გამოშვებას, შენახვას, რეალიზაციას ან გადაზიდვას უკავშირდება, რასაც მოსდევს ფულის გათეთრების 13 შემთხვევა, შემდეგია უკანონო სამეწარმეო საქმიანობა, ამ შემთხვევაში დევნა 11 პირის მიმართ დაიწყო.
