საქართველოში ხორბლის იმპორტი ბოლო 7 წლის მაქსიმუმზეა. სტატისტიკის ეროვნული სამსახურის მონაცემებით, წელს იანვარ-სექტემბერში ქვეყანამ 82.416 მლნ დოლარის ღირებულების ხორბალი და მესლინი იყიდა, ეს კი 2019 წლიდან მოყოლებული ყველაზე მაღალი მაჩვენებელია. ამაზე დიდი მოცულობის ხორბალი საქართველომ 2018 წელს იყიდა, მაშინ იმპორტის მოცულობა 86.614 მლნ დოლარი იყო.
რაც შეეხება 2024 წლის იანვარ-სექტემბრის მონაცემებს, შარშან ქვეყანაm 52.228 მლნ დოლარის ხორბალი იყიდა. შესაბამისად, გამოდის, რომ წელს ხორბლის იმპორტი 58%-ით არის გაზრდილი.
ქვეყნების მიხედვით, მთავარი იმპორტიორი კვლას რუსეთი რჩება. 2025 წლის იანვარ-სექტემბერში საქართველოში შემოტანილი ხორბლის 77.6% სწორედ რუსული იყო, 22.2% კი ყაზახური. კერძოდ, წელს რუსეთში 63.950 მლნ დოლარის ღირებულების ხორბალი ვიყიდეთ, ყაზახეთში კი – 18.295 მლნ დოლარის.