რუსეთის პრეზიდენტმა ვლადიმირ პუტინმა უნგრეთის საგარეო საქმეთა მინისტრ პეტერ სიიარტოსთან საუბრის შემდეგ ჟურნალისტ პაველ ზარუბინის კითხვებს უპასუხა. საუბარი გლობალურ ენერგეტიკულ ბაზარზე, გაზის ფასების მკვეთრ ზრდასა და ევროკავშირის პოლიტიკის შედეგებზე იყო ორიენტირებული.
პუტინმა განაცხადა, რომ ევროპულ ბაზარზე გაზის ფასებმა უკვე 700 დოლარს მიაღწია და ენერგეტიკული კრიზისი ევროპული ხელისუფლების მიერ წლების განმავლობაში მიღებული არასწორი გადაწყვეტილებებისა და „მწვანე“ დღის წესრიგის ბოროტად გამოყენების შედეგია.
პრეზიდენტმა აღნიშნა, რომ რუსეთი კვლავ საიმედო ენერგომომწოდებლად რჩება და გააგრძელებს თანამშრომლობას პარტნიორებთან, რომლებიც მზად არიან პრაგმატული და ურთიერთსასარგებლო თანამშრომლობისთვის, განსაკუთრებით აღმოსავლეთ ევროპის ისეთ ქვეყნებთან, როგორებიცაა უნგრეთი და სლოვაკეთი.
ევროკავშირთან მიმართებაში პუტინმა ხაზი გაუსვა, რომ ვინაიდან ევროკავშირი თავად აპირებს გარკვეული სანქციების გაძლიერებას, რუსეთი თავის გაზს წაიღებს იქ, სადაც საიმედო პარტნიორები არიან და თავად ეტყვის უარს ევროპას თანამშრომლობაზე. თუმცა, აღნიშნა მან, “ეს ჯერ არ არის გადაწყვეტილება, არამედ გაჟღერებული აზრებია”.
ვლადიმირ პუტინმა ასევე კომენტარი გააკეთა ახლო აღმოსავლეთში არსებულ ვითარებაზე, ჰორმუზის სრუტის დახურვაზე, გლობალური ენერგომატარებლების ფასების ზრდაზე და გაზის მარაგების შესაძლო გადანაწილებაზე უფრო მომგებიან ბაზრებზე.
სახელმწიფოს მეთაურმა ასევე კომენტარი გააკეთა ხმელთაშუა ზღვაში რუსული გაზტანკერის ტერორისტულ თავდასხმაზე და გააფრთხილა „ლურჯი ნაკადის“ და „თურქული ნაკადის“ გაზსადენის ინფრასტრუქტურისთვის პოტენციური საფრთხეების შესახებ.
იხილეთ სრული ინტერვიუ – 700 დოლარიანი გაზის, ევროპაში ენერგეტიკული კრიზისისა და გლობალური ენერგეტიკული ბაზრის მომავლის შესახებ.