„ირანის ისლამური რევოლუციის გუშაგთა კორპუსის“ დაზვერვის უფროსი მაჯიდ ხადემი საჰაერო დარტყმის შედეგად დაიღუპა, – ინფორმაციას The Times of Israel-ი ირანის „ისლამურ რევოლუციის გუშაგთა კორპუსზე“ დაყრდნობით ავრცელებს.
მაჯიდ ხადემი IRGC-ის სადაზვერვო დაცვის ორგანიზაციისა და დაზვერვის ორგანიზაციის ხელმძღვანელის თანამდებობას იკავებდა.
გავრცელებული ინფორმაციით, მაჯიდ ხადემი საჰაერო თავდასხმას დღეს ემსხვერპლა.
ისრაელის მხრიდან დარტყმასთან დაკავშირებით კომენტარი ჯერ არ გაკეთებულა.