ქვეყნები, სადაც ყველის ფასი ყველაზე მაღალი/დაბალია — როგორია საქართველოსა და მეზობელი ქვეყნების მონაცემები

მსოფლიოში ყველის ფასი ყველაზე მაღალი შვეიცარიაშია, ყველაზე დაბალი კი — ეგვიპტეში. ამის შესახებ ირკვევა Numbeo-ს 2026 წლის განახლებული მონაცემებიდან.

კერძოდ, მარკეტებში 1 კგ ადგილობრივი ყველის საშუალო ფასი შვეიცარიაში 27.4 დოლარს შეადგენს, ხოლო ეგვიპტეში — 3.46 დოლარს.

5 ქვეყანა, სადაც ადგილობრივი ყველი ყველაზე ძვირი ღირს, ასე გამოიყურება:

• შვეიცარია — 27.4 დოლარი;
• ჰონგ-კონგი — 22.43 დოლარი;
• ლუქსემბურგი — 21.39 დოლარი;
• საფრანგეთი — 20 დოლარი;
• ავსტრია — 20 დოლარი.

იმ ქვეყნების ხუთეული კი, სადაც ყველის ფასი მარკეტებში შედარებით დაბალია, ასეთია:

• ეგვიპტე — 3.46 დოლარი;
• ირანი — 3.94 დოლარი;
• აზერბაიჯანი — 4.32 დოლარი;
• ნიგერია — 4.58 დოლარი;
• ინდოეთი — 4.6 დოლარი.

რა ღირს 1 კგ. ყველი საქართველოსა და მეზობელ ქვეყნებში

რაც შეეხება საქართველოსა და მეზობელ ქვეყნებს, მათ შორის ყველის საშუალო ფასი ყველაზე მაღალი რუსეთშია, ყველაზე დაბალი კი — აზერბაიჯანში. კერძოდ, რეიტინგში რუსეთი 26-ე ადგილს იკავებს, სადაც 1 კგ ადგილობრივი ყველის საშუალო ფასი 12.8 დოლარია, ხოლო აზერბაიჯანი 99-ე ადგილზეა 4.32 დოლარით.

კვლევის მიხედვით, საქართველო რეიტინგში 80-ე ადგილს იკავებს. საქართველოში მარკეტებში 1 კგ ადგილობრივი ყველის საშუალო ფასი 7.9 დოლარს შეადგენს.

საქართველოზე იაფია ყველი სომხეთში — 7.79 დოლარი (82-ე ადგილი), ხოლო უფრო ძვირია თურქეთში — 9.34 დოლარი (63-ე ადგილი).