აშშ-ის პრეზიდენტი დონალდ ტრამპი აპირებს, ავტორიზაცია მისცეს თურქეთისთვის F-35 ტიპის გამანადგურებლების მიყიდვას. ის გეგმავს, ამის შესახებ თავის თურქ კოლეგას, რეჯეფ თაიფ ერდოღანს, ანკარაში დაგეგმილ ნატოს სამიტზე შეატყობინოს.
აშშ-ის მედიის ცნობით, ლიდერებმა შესაძლოა, წერილები გაცვალონ, რომლებშიც თურქეთის F-35-ის პროგრამაში დაბრუნების შესაძლებლობას განიხილავენ. თუმცა, ჯერჯერობით გაურკვეველია, თუ როგორ აპირებს ტრამპი თავი აარიდოს კონგრესის მიერ ასეთ მიწოდებებზე დაწესებულ აკრძალვას. თეთრმა სახლმა არ გამორიცხა შესაძლებლობა, რომ პრეზიდენტმა ბოლო წუთს შესაძლოა გეგმები შეცვალოს.
შესახსენებელია, რომ 2019 წელს აშშ-მ თურქეთი F-35-ის პროგრამიდან ანკარის მიერ რუსული S-400-ის საჰაერო თავდაცვის სისტემების შეძენის გამო გარიცხა. უფრო ადრე თეთრმა სახლმა თურქეთისთვის გამანადგურებლების მიწოდების განახლების შესაძლებლობაზე მიანიშნა.