რუსთაველის გამზირზე მოქალაქეები იკრიბებიან. საპროტესტო აქციის მონაწილეები 7-8 მარტს დაკავებული მოქალაქეების გათავისუფლებას მოითხოვენ.
აქციის მონაწილეები აღნიშნავენ, რომ პროტესტი არ უნდა შეწყდეს.
პარლამენტის წინ მოწყობილია სცენა.
ადგილზე მობილიზებულია პოლიცია.
ცნობისთვის, საქართველოს შინაგან საქმეთა სამინისტროს ინფორმაციით, 7-8 მარტს რუსთაველის გამზირზე გამართული საპროტესტო აქციების დროს პოლიციამ ჯამში, 133 პირი დააკავა.