წარმოუდგენელია, საქართველოს პრემიერ-მინისტრი უყრაინაში რუსეთის შეჭრაში ნატო-ს გაფართოებას ადანაშაულებს, – ასე ეხმაურება ევროპაში აშშ-ის არმიის ყოფილი სარდალი, ბენ ჰოჯესი ირაკლი ღარიბაშვილის მიერ ბრატისლავაში, გლობალური უსაფრთხოების ფორუმზე გაკეთებულ განცხადებას.
„რა დაემართა საქართველოს“? – წერს ბენ ჰოჯესი „ტვიტერზე“.
პრემიერმა ირაკლი ღარიბაშვილმა ფორუმზე უყრაინაში ომის დაწყების მიზეზებზე ისაუბრა და აღნიშნა, რომ ერთ-ერთი მიზეზი იყო ნატოს გაფართოება.
„ყველამ იცის, მე მგონი, მიზეზი. ერთ-ერთი მიზეზი იყო ნატოს გაფართოება და ბევრი სხვა მიზეზი, ხომ ასეა?! არ მინდა ამაზე სპეკულირება ან ციტირება რუსეთის მთავრობის, მაგრამ ერთ-ერთი მიზეზი იყო უკრაინის ნება და განზრახვა გამხდარიყო ნატოს წევრი და ამიტომ ჩვენ ვხედავთ შედეგებს“, – აღნიშნა პრემიერმა.