ვიხილეთ მართლაც სრულიად ამჩატებული ე.წ. ექსპერტთა რაზმები, რომლებიც წინასწარმეტყველებდნენ სხვადასხვა ჯგუფის გამარჯვებას და რუსეთის სპეციალისტებად გვევლინებოდნენ, – ამის შესახებ ვიცე-პრემიერმა, კულტურის, სპორტისა და ახალგაზრდობის მინისტრმა, თეა წულუკიანმა განაცხადა.
„მთავარია დეოკუპაცია, მშვიდობიანი მეთოდებით ამ მიზნისკენ სვლა მიზანმიმართულად ისე, რომ არავინ დაიღალოს ამ გზაზე და შედეგს მივაღწიოთ ერთ დღეს და იმედი მაქვს, ძალიან მალე. ამისთვის ჩვენ სამართლებრივი ინსტრუმენტები უკვე გვაქვს“, – განაცხადა წულუკიანმა.