რუსეთის ფედერაციის საბჭომ სამხედრო სამსახურში გაწვევის ასაკის 27-დან 30 წლამდე გაზრდას მხარი დაუჭირა. შესაბამის ინიციატივას მხარი დაუჭირა 159-მა სენატორმა, ერთმა თავი შეიკავა.
მანამდე, 25 ივლისს აღნიშნული ცვლილება რუსეთის სახელმწიფო დუმამ დაამტკიცა.
განახლებული კანონმდებლობით, უცვლელი დარჩა სამხედრო სამსახურში გაწვევის ქვედა ასაკობრივი ზვარი – 18 წელი.
ამასთან, პროექტის განხილვისას თავდაცვის კომიტეტის თავმჯდომარე ანდრეი კარტოპოლოვი აცხადებდა, რომ ჯარში გაწვევის ასაკის ზედა ზღვარი ეტაპობრივად გაიზრდებოდა. თუმცა, საბოლოოდ დამტკიცებული დოკუმენტის თანახმად, გარდამავალი პერიოდი არ იქნება და გაწვევის მაქსიმალური ასაკი 30 წლამდე 2024 წლის პირველი იანვრიდან გაიზრდება.