არასამთავრობო ორგანიზაცია „ახალგაზრდა თაობა“ საოკუპაციო ხაზთან მდებარე სოფელში აქციას მართავს. სახელწოდებით „ოკუპაციის სტატისტიკა – პასუხი ღარიბაშვილს“.
ორგანიზაციის წარმომადგენელი დავით დორენიანი აცხადებს, რომ აქციით თავდაცვის მინისტრის ირაკლი ღარიბაშვილის განცხადებას გააპროტესტებენ.
„ირაკლი ღარიბაშვილმა 1 ოქტომბერს განაცხადა, რომ „ქართული ოცნების“ მთავრობის დროს სახელმწიფოს არ დაუკარგავს არც ერთი ტერიტორია. ამ აქციით ახალგაზრდები ჩაუტარებენ ერგნეთში საჯარო ისტორიის გაკვეთილს თავდაცვის მინისტრს“- აცხადებს დორენიანი.
აქციის პარალელურად, ახალგაზრდები დაათვალიერებენ 2008 წლის აგვისტოს ომის მუზეუმს ერგნეთში.