როგორ შეიცვალა ქართული კომპანიების აქციების ფასი ლონდონის ბირჟაზე

ლონდონის საფონდო ბირჟაზე საქართველო სულ სამი კომპანიის – “თიბისი ბანკის”, “საქართველოს კაპიტალის” და “საქართველოს ბანკის” მეშვეობით არის წარმოდგენილი. გასული კვირის განმავლობაში მათი აქციების ფასის ცვლილება ასეთი იყო:

“საქართველოს ბანკის” (BGEO) აქციების ფასი 2.18%-ით შემცირდა და ამჟამად ერთი აქციის ღირებულება 31.40 გირვანქა სტერლინგს შეადგენს. კომპანიის საბაზრო კაპიტალიზაცია ამჟამად 1.54 მილიარდ სტერლინგს აღწევს. ბოლო ექვს თვეში “საქართველოს ბანკის” აქციების მატება 18%-ია.

TBC PLC-ის აქციების ღირებულება ერთკვირიან ჭრილში 1%-ით გაიზარდა. ბანკის ერთი აქცია 25.15 გირვანქა სტერლინგი ღირს. კომპანიის საბაზრო კაპიტალიზაცია ამჟამად 1.38 მილიარდ გირვანქა სტერლინგს შეადგენს. ბოლო ექვს თვეში “თიბისის” აქციების ფასი 15%-ითაა გაზრდილი.

“საქართველოს კაპიტალის” (CGEO) აქციების ღირებულება 0.76%-ით შემცირდა, შედეგად ერთი აქციის ფასი 9.18 გირვანქა სტერლინგი გახდა. შედეგად, კომპანიის საბაზრო კაპიტალიზაცია ამჟამად 427.8 მილიონ გირვანქა სტერლინგს შეადგენს. ბოლო ექვს თვეში კომპანიის აქციების ფასი 26.6%-ითაა გაზრდილი.

წყარო – Galt & Taggart