სირიაში, დამასკოს მახლობლად, სამხედრო ბაზაზე იარაღის საწყობში აფეთქება მოხდა, რის შემდეგაც ობიექტზე ძლიერი ხანძარი გაჩნდა. სავარაუდოდ, ინციდენტი დივერსიის შედეგია.
სირიის ადამიანის უფლებათა დაცვის ორგანიზაციის ცნობით, ინციდენტი სირიის არმიის 81-ე ბრიგადის იარაღის საცავში შუაღამისას მოხდა.
სირიული ორგანიზაციის განცხადებაში ნათქვამია, რომ აფეთქებაზე პასუხისმგებელი ისრაელის სპეცსამსახურები არიან.
„აფეთქება ისრაელის სადაზვერვო ოპერაციის შედეგი იყო“, – ნათქვამია განცხადებაში.