საქართველოს ნაკრები მსოფლიო ჩემპიონატისთვის იაპონიის კუნძულ ოკინავაზე ემზადება. შეჯიბრება სწორედ ოკინავა არენაზე გაიმართება. პირველ მატჩს „ჯვაროსნები“ კაბო ვერდესთან 26 აგვისტოს გამართავენ. მანამდე, 22-ში ავსტრალიასთან საკონტროლო მატჩი გამართეს.
შეხვედრის პირველი ტაიმი ოკეანელებმა მოიგეს, რომლის შემადგენლობაში NBA-ის არაერთი წარმომადგენელია. თუმცა საწყისი 20 წუთის 33:51 წაგების შემდეგ საქართველოს ნაკრებმა თამაში გამოასწორა და მეორე ტაიმში გამარჯვების შანსიც გაუჩნდა. თუმცა საბოლოოდ მაინც ავსტრალიამ გაიმარჯვა – 86:81.
