ღაზის სექტორში მძევლად აყვანილი ადამიანების ოჯახის წევრები ისრაელის მთავრობასთან შეხვედრას ითხოვენ.
როგორც „ბიბისი“ წერს, ისრაელელი მძევლების ოჯახის წევრებს აინტერესებთ, გუშინ, ღამით განხორციელებული თავდასხმების დროს, მიადგა თუ არა ზიანი იმ ადგილებს, სადაც „ჰამასს“ მძევლები ჰყავს.
„ეს ღამე იყო ყველაზე საშინელი ღამე. ეს იყო გრძელი და უძილო ღამე. ოპერაციის ფონზე, აბსოლუტურ გაურკვევლობაში ვართ მძევლების ბედთან დაკავშირებით, რომლებიც შესაძლოა, ასევე არიან იერიშების წერტილში. ოჯახები ველოდებით ახსნა-განმარტებას. ყველა წუთი მარადისობას ჰგავს. მთავრობას და მინისტრთა კაბინეტის წევრებს მოვუწოდებთ, დაუყოვნებლივ შეგვხვდით“, – ნათქვამია მძევლების ოჯახის წევრების განცხადებაში.