ისრაელის პრემიერ-მინისტრმა ბენიამინ ნეთანიაჰუმ თავის მიმართვაში თქვა, რომ ისრაელი არ გაჩერდება იქამდე, სანამ გამარჯვებას არ მიაღწევს.
ნეთანიაჰუს თქმით, ღაზაში ისრაელის გამარჯვება „მკვეთრი და ნათელი“ იქნება და მომავალ თაობებს გადაეცემა.
„ჩვენ არ გავჩერდებით გამარჯვებამდე“, – თქვა ნეთანიაჰუმ და დასძინა, რომ ეს „ჰამასის“ სრულად განადგურებას, მძევლების დაბრუნებას და უსაფრთხოებას ნიშნავს.
ინფორმაციისთვის, 7 ოქტომბერს ტერორისტული ორგანიზაცია „ჰამასი“ ისრაელს თავს მოულოდნელად დაესხა.