ამერიკაში რესპუბლიკური პარტიის საპრეზიდენტო კანდიდატმა ვივეკ რამასვამმა, მაიამიში პარლამენტის დებატების დროს, უკრაინის პრეზიდენტ ზელენსკის „ნაცისტი” უწოდა, უკრაინის მისამართით კი კვლავ კრიტიკული განცხადებები გააკეთა.
„უკრაინა არ არის დემოკრატიის მაგალითი. ეს არის ქვეყანა, რომელმაც აკრძალა 11 ოპოზიციური პარტია. მან გააერთიანა ყველა მედია ერთ სახელმწიფო ტელევიზიის მედიაში – ეს არ არის დემოკრატიული. ის დაემუქრა, რომ არ ჩაატარებს არჩევნებს წელს, თუ აშშ არ გამოყოფს მეტ ფულს – ეს არ არის დემოკრატიული.
იგი აღნიშნავდა „ნაცისტს“ თავის რიგებში, „კომიკოსს სატვირთო შარვალში“ – კაცს სახელად ზელენსკი. ამას აკეთებდა საკუთარ რიგებში – ეს არ არის დემოკრატიული“, – თქვა ვივეკ რამასვამმა.
ცნობისთვის, ვივეკ რამასვამი აქამდეც გამოირჩევა უკრაინის და მისი ლიდერების მიმართ კრიტიკული განცხადებებით. მანამდე საპრეზიდენტო კამპანიისას, მან ასევე განაცხადა, რომ რუსეთის მიერ უკრაინის ოკუპირებულ ტერიტორიებზე, რუსეთის კონტროლს აღიარებს და გამარჯვების შემთხვევაში უკრაინას ნატოსკენ გზას ჩაუკეტავს.
ახლა კი უკრაინა-რუსეთის ომთან დაკავშირებით თქვა: „ნუ „ყიდულობთ“ ამ ომს ისე, თითქოს ეს არის ერთგვარი ბრძოლა სიკეთესა და ბოროტებას შორის“.