აფხაზეთში გულრიფშის რაიონში 7 შეიარაღებულ პირს ეძებენ, – ამის შესახებ ინფორმაციას რუსული მედია აფხაზეთის ე.წ. შინაგან საქმეთა მინისტრ რობერტ კიუტზე დაყრდნობით ავრცელებს.
გავრცელებულ ინფორმაციაში ნათქვამია, რომ ადგილობრივმა მონადირეებმა სოფელ აზანტასთან უცხოური იარაღით შეიარაღებული 7 ადამიანი დაინახეს. სოხუმისკენ მიმავალი ყველა გზა ჩაკეტილია.
„გულრიფშის რაიონის სოფელ აზანტასთან ადგილობრივმა მონადირეებმა დაინახეს შვიდი შეიარაღებული პირი ყოველგვარი საიდენტიფიკაციო ნიშნის გარეშე. ისინი უცხოური იარაღით იყვნენ შეიარაღებული, სავარაუდოდ M-4 შაშხანები ჰქონდათ, ეცვათ შავი ფორმები, ნიღბები, ჩაფხუტები, კარგად ეკიპირებულები იყვნენ. მათ ჰქონდათ დრონიც, რომელიც ტერიტორიაზე დაფრინავდა“