კენიაში სამხედრო თვითმფრინავი ჩამოვარდა. ავიაკატასტროფის დროს ბორტზე მყოფი 12 ადამიანიდან 10 დაიღუპა.
მათ შორის იყო ქვეყნის სამხედრო სარდალი ფრენსის ოგოლა. სამხედრო ჩინოსანი კენიის ჩრდილო-დასავლეთ ნაწილში დისლოცირებული შეიარაღებული ძალების ბაზას სამსახურებრივი ვიზიტით ეწვია.
ავიაკატასტროფის მიზეზი ჯერ დაუდგენელია. გამოძიებას ადგილზე ოპერატიული ჯგუფი ატარებს.