გაეროს უშიშროების საბჭოში რუსეთის მუდმივმა წარმომადგენელმა ვასილი ნებენზიამ განაცხადა, რომ თუ დასავლეთი დაუშვებს რუსეთის ტერიტორიაზე შორი მოქმედების იარაღის გამოყენებას, ნატო პირდაპირ ომს დაიწყებს რუსეთის ფედერაციასთან.
მან აღნიშნა, რომ უკრაინელებს, სავარაუდოდ, არ შეუძლიათ სამიზნეების შერჩევა და რაკეტების დაპროგრამება ასეთი თავდასხმებისთვის და ეს მხოლოდ „ნატოს სამხედრო პერსონალს“ შეუძლია.
„შეზღუდვების მოხსნის გადაწყვეტილება თუ რეალურად მიიღება ან იქნება მიღებული, ეს ნიშნავს, რომ იმ მომენტიდან ნატოს ქვეყნები პირდაპირ ომს იწყებენ რუსეთთან. ამ შემთხვევაში, რა თქმა უნდა, იძულებული ვიქნებით, მივიღოთ შესაბამისი გადაწყვეტილებები, რასაც მოჰყვება დასავლელი აგრესორებისთვის შედეგები.
დასავლეთის ხელისუფლებები ვეღარ შეძლებენ ბრალის გადატანას კიევზე. დასავლეთმა, სავარაუდოდ, უკვე გადაწყვიტა უკრაინის შეიარაღებულ ძალებს მისცენ შორი დისტანციის იარაღის გამოყენების უფლება.
ახლა კი ჩვენ უბრალოდ ვაკვირდებით მისი ლეგიტიმაციის ბოლო ეტაპს საინფორმაციო სფეროში საზოგადოებრივი აზრის თვალში“, – აღნიშნა დიპლომატმა.
