CBOS-ის უახლესი კვლევის შედეგების თანახმად, პოლონელთა უმეტესობა მხარს უჭერს უკრაინაში სამხედრო ასაკის უკრაინელების დაბრუნებას. აღნიშნულის შესახებ Euractiv-ი იტყობინება.
გამოკითხულთა 67% ამბობს, რომ სამხედრო ასაკის უკრაინელი კაცები სამშობლოში უნდა დაბრუნდნენ, ხოლო 22% წინააღმდეგია.
გარდა ამისა, დაახლოებით 51% შეშფოთებას გამოთქვამს იმასთან დაკავშირებით, რომ რუსეთს შეუძლია უკრაინის წინააღმდეგ ბირთვული იარაღი გამოიყენოს.
ამავდროულად, გამოკითხულთა 46%-ს სურს, რომ უკრაინამ გააგრძელოს ბრძოლა, ხოლო 39%-ს უკრაინის მხრიდან ტერიტორიული თუ პოლიტიკური დათმობების ფასადაც კი მშვიდობას უჭერს მხარს.
შეგახსენებთ, რომ 2 ოქტომბერს პოლონეთის ეროვნული თავდაცვის სამინისტროს ხელმძღვანელმა ვლადისლავ კოსინიაკ-კამიშმა განაცხადა, რომ უკრაინელების რიცხვი, რომლებიც დათანხმდნენ პოლონეთში უკრაინულ ლეგიონში გაწევრიანებას, ძალიან მცირე აღმოჩნდა.
