ნიდერლანდების თავდაცვის მინისტრმა, რუბენ ბრეკელმანსმა განაცხადა, რომ უკრაინას შეუძლია F-16 გამანადგურებლების გამოყენება რუსეთის ტერიტორიაზე სამხედრო ობიექტებზე იერიშის მისატანად.
მისი თქმით, ამ ტექნიკას გამოყენების ფართო სპექტრი აქვს.
ბრეკელმანსმა ბრიუსელში ნატოს თავდაცვის ლიდერების შეხვედრის დაწყებამდე თქვა, რომ F-16 გამანადგურებლების პირველი პარტია უკვე უკრაინის საჰაერო სივრცეშია.
მან აღნიშნა, რომ ტექნიკის გამოყენება რუსეთის ტერიტორიაზე სამხედრო ობიექტებზე თავდასხმისთვის საერთაშორისო კანონმდებლობას არ ეწინააღმდეგება.
თავდაცვის მდივანმა ხაზგასმით აღნიშნა, რომ F-16 საბრძოლო თვითმფრინავების გამოყენება შესაძლებელია სხვადასხვა მისიების შესასრულებლად.
„ათი დღის წინ ვიყავი ხარკოვსა და კიევში და მდგომარეობა, როგორც ფრონტის ხაზზე, ისევე დიდ ქალაქებში, ძალიან საგანგაშოა. . ამიტომ ვფიქრობ, ჩვენ უნდა გავაძლიეროთ ჩვენი ძალისხმევა. რუსული საფრთხე იზრდება, არა მხოლოდ მოკლევადიან, არამედ გრძელვადიან პერსპექტივაშიც“, – აღნიშნა ბრეკელმანსმა.
