რუსეთის პრეზიდენტ ვლადიმირ პუტინის მთავრობამ მსოფლიოს ოცამდე ლიდერი ყაზანში, BRICS-ის ახლახან გაფართოებული ჯგუფის სამიტზე დასასწრებად მიიწვია. სამიტი დღეს, 22 ოქტომბერს დაიწყება და სამი დღის განმავლობაში გაგრძელდება.
დაგეგმილია, რომ სამიტს დაესწრებიან რუსეთის ძირითადი საერთაშორისო პარტნიორები, მათ შორის ჩინეთის ლიდერი სი ძინპინი, ინდოეთის პრემიერ-მინისტრი ნარენდრა მოდი და თურქეთის პრეზიდენტი რეჯეფ თაიფ ერდოღანი.
BRICS-ი აერთიანებს 5 ქვეყანას, კერძოდ, ბრაზილიას, რუსეთს, ინდოეთს, ჩინეთსა და სამხრეთ აფრიკას. ეს არის განვითარებადი ეკონომიკების ალიანსი, რომელიც შექმნილია, როგორც დასავლეთის მიერ მართული ეკონომიკური წესრიგის, როგორიცაა G7 ჯგუფი, ალტერნატივა.
ჯგუფმა 2023 წლის სამიტზე გადაწყვიტა თავისი რიგების გაფართოება.
სამიტზე მიწვეულ ქვეყნებს შორის არიან არგენტინა, ეთიოპია, ეგვიპტე, ირანი, არაბთა გაერთიანებული საამიროები და საუდის არაბეთი. თუმცა არგენტინის პრეზიდენტმა ხავიერ მილეიმ არჩევნებში გამარჯვების შემდეგ, 2023 წლის ბოლოს, BRICS-ში გაწევრიანებაზე უარი თქვა და განაცხადა, რომ მას სურს, მეტი პროდასავლური კურსი გაატაროს.
