ისრაელის ცენტრალურ რაიონში, შარონის რეგიონში სარაკეტო იერიშის შედეგად 19 ადამიანი დაშავდა. ინფორმაციას Reuters-ი ადგილობრივ პოლიციაზე დაყრდნობით ავრცელებს.
სააგენტოს ცნობით, საჰაერო იერიში ლიბანიდან სამი რაკეტით განხორციელდა. თავდაპირველად შვიდი დაშავებული ადამიანის შესახებ ვრცელდებოდა ინფორმაცია.
საჰაერო იერიშის შემდეგ ერაყში მდებარე ისლამური წინააღმდეგობის მოძრაობამ განცხადება გაავრცელა, რომ მან ჩრდილოეთ ისრაელის მიმართულებით რამდენიმე დრონი გაუშვა.
ისრაელის თავდაცვის არმიამ („ცაჰალმა“) დღეს გაავრცელა განცხადება, რომ ლიბანიდან ისრაელის მიმართულებით 15 რაკეტა გაუშვეს. ნაწილის ჩამოგდება მოხერხდა.
