უცნობმა პირებმა ბალტიის ზღვაში ლიეტუვას და შვედეთს შორის საკომუნიკაციო კაბელი გაწყვიტეს. ინფორმაციას ლიეტუვური მედია ავრცელებს.
სატელეკომუნიკაციო კაბელი კომპანია Telia-ს ეკუთვნის. როგორც კომპანიის ტექნიკური დირექტორი ანდრიუს შემეშკიავიჩუსი ამბობს, კაბელი უცნობი პირების მიერ არის გადაჭრილი.
მისი თქმით, ბალტიის ზღვაში სულ სამი ასეთი ტიპის კაბელია, რომელთა მეშვეობით ლიეტუვას ინტერნეტი მიეწოდება. ერთ-ერთი კაბელის გათიშვა ნიშნავს, რომ ინტერნეტის გამტარუნარიანობა მესამედით შემცირდა.
აღსანიშნავია, რომ რამდენიმე დღის წინ ფინურმა კომპანია Cinia-მ განაცხადა, რომ უცნობმა ადამიანებმა მისი კაბელიც დააზიანეს, რომელიც ფინეთს გერმანიასთან ბალტიის ზღვის ფსკერით აკავშირებს.
