უკვე 2 კვირაზე მეტია ვთავაზობთ საზოგადოების წარმომადგენლებს ღია, თუ დახურულ, ნებისმიერი ფორმატის დისკუსიას,“ – ამის შესახებ საქართველოს პრემიერ- მინისტრმა ირაკლი კობახიძე ბრიფინგზე განაცხადა.
- მისი თქმით, დისკუსიებს და დიალოგს ალტერნატივა არ აქვს. ამიტომ, მზად არის ნებისმიერ მსურველთან, ნებისმიერი სახის დისკუსია გამართოს.
“ყველა გაურბის, 2 ადამიანს ჰქონდა მცდელობა შემოსულიყო დისკუსიაში და ისე დააბულინგეს, რომ ვერ შეძლეს. ყველას ეშინია.
ჩემი შეთავაზება რჩება ძალაში. უცნაურია, კონკრეტული ადამიანები გამოდიან ხოლმე აქციებზე განცხადებებით, რომ – არავინ არ ელაპარაკებათ. მაგალითად შოთა არველაძე გამოდიოდა აქციაზე და განაცხადა, რომ ხელისუფლება არ უსმენს და არ ელაპარაკება ხალხს. როცა ჩვენ 2 კვირაა ვიმეორებთ, რომ მზად ვიყავით ნებისმიერ, მათ შორის საჯარო ფორმატში დისკუსიისთვის.
აქვე ვაკეთებ ამ შეთავაზებას, შოთა არველაძემ წამოიყვანოს ვისი კომპეტენციისაც სჯერა, დავსხდეთ და ვილაპარაკოთ. რამდენჯერაც გავაკეთე ასეთი შეთავაზება, მივიღე პასუხად დუმილი,“ – განაცხადა ირაკლი კობახიძემ.
