არ მგონია, რომ მეორად ძალებთან დიალოგს რაიმე აზრი ჰქონდეს, – ასე უპასუხა საქართველოს პრემიერ-მინისტრმა, ირაკლი კობახუიძემ კითხვას, რა თემაზე დიალოგისთვის არის მზად ხელისუფლება ოპოზიციასთან.
მთავრობის მეთაურის შეფასებით, დიალოგი მნიშვნელოვანია, თუმცა ოპოზიცია, სინამდვილეში, მეორად ძალას წარმოადგენს.
„ჩვენი ოპოზიცია, ეს ოთხი რადიკალური პარტია, სინამდვილეში, მეორადი ძალებია. მათ ჰყავთ საკუთარი პატრონი და ჩვენ გვირჩევნია, მათ პატრონებთან გავმართოთ დიალოგი, რასაც ალტერნატივა არ აქვს. მომდევნო კვირების განმავლობაში ჩვენ აუცილებლად გვექნება დიალოგი ამ ოთხი პოლიტიკური პარტიის უფროსებთან. საუბარი გვქონდა, მათ შორის „დიფ სთეითზე“ და ასეთ რაღაცებზე. დიდი იმედი გვაქვს, რომ თვის ბოლოდან ვითარება შეიცვლება. ეს მარტივი არ იქნება. რა თქმა უნდა, დონალდ ტრამპისთვისაც არ იქნება ადვილი „დიფ სთეითის“ დამარცხება. თუ ის შეძლებს „დიფ სთეითის“ დამარცხებას, შეიძლება, დიალოგი აღარც გახდეს საჭირო და მარტივად აღდგება სამართლიანობა. შევხედოთ, როგორ განვითარდება პროცესები“, – განაცხადა პრემიერმა.
შეგახსენებთ, რომ თბილისში ჩამოსულმა ევროსაბჭოს გენერალურმა მდივანმა ბერსემ, კობახიძესთან შეხვედრის შემდეგ, მხარეებს შორის დიალოგზე და “დემოკრატიის აღდგენაზე” გააკეთა აქცენტი.
