ლოს-ანჯელესში ხანძრის შედეგად დაღუპულთა რიცხვი 11-მდე გაიზარდა.
სამედიცინო ექსპერტიზის დეპარტამენტის განცხადებით, ხუთი ადამიანია დაღუპული პასიფიკ-პალისეიდსის რაიონში, ხოლო ექვსი – ქალაქ პასადენას სამხრეთით.
მსხვერპლთა ვინაობის შესახებ დამატებითი ინფორმაცია არ გავრცელებულა.
ლოს-ანჯელესის ზოგიერთ რაიონში გამოცხადებულია კომენდანტის საათი, რათა მაროდიორებს არ მიეცეთ საშუალება გამოიყენონ არსებული მდგომარეობა. ამ მიზნით, კონკრეტულ რაიონებში 210 პოლიციელი პატრულირებს.
ბოლო მონაცემებით, ლოს-ანჯელესში სამი ძლიერი ხანძრის კერაა.
ლოს-ანჯელესიდან ევაკუირებულია 180 000-მდე ადამიანი. აშშ-ის მოქმედმა პრეზიდენტმა ჯო ბაიდენმა არ გამორიცხა, რომ მსხვერპლის რიცხვი მოიმატებს, თუმცა, რამდენით, ამის თქმა ჯერჯერობით, ძნელია.
